شعری از داود علیپناه آنايوردوم ((کزج)) آنايوردوم! گوزل کنديم! گلميشم سنه دييم قرخ بشی گچميشم او دنيانين دا لباسين بيچميشم گدنّزين يولارنيا دوشميشم قوردون سسی گجه کندّه دولاردی ايتلر هوروب قاچوب قوردو قوواردی خروسلاری سحر تزدن باننّاردی زندگانليق، رام باجادان ياغاردی نوخاجاران کزه کندين تاجيدی ورگان چولا اوردان باخيب ساييردی گدننّرين چرتکه سينه ساليردی دای بيلميرم کيملرگديب کيم قاليب کيم قورتولوب اولوم اليندن قاچيب قالاننّارين باش - گوزين آق توز باسيب کرنبنين آلتی گوزل باغيدی تاهار گوزه گوزل باغين آديدی باشدا باغين سو چشمه سی آخيدی آخيپ گديپ آقا شلارا چاتيدی کردکانين آغا جينا چيخارديق چوال چوال کردکانين چالارديق چوالاّری مال حيوانا چاتارديق يولا دوشوب اوه کيمين چاپارديق سحر تزدن درزباغا گدميشيک اوزومليکده دوشوب گوزدن ايتميشيک يتيشمين اوزوملرن درميشيک سوون چکيب ساتمانما گوندرميشيک اسکنه ده آرپا، بوغدا اکرديک اکيپ، بيچيب، چاتيب، کنده گلرديک جره قوشوب کولشلرين سچرديک دن دوشلرين ده کندّيه توکرديک رواضاندا گديب بوستان اکميشيک گديب اوردان قوون، قارپوز درميشيک گجه قاليب بوستانا سوورميشيک ميلچگ اليندن درينی سوکميشيک قزل اوزن چاييندادا چيميشيک نظامنان کوراشگه مينرديک او دونوچون کويشاننارا گدرديک مين مک اوسته اوزوميزی سويرديگ بير ساوا شيب بير باريشيب گلرديک غلامنان ايده ليکده اونيارديق ايده لری چاليب يره يقارديق مال حيوانی يونجاليقا سالارديق مش تسلّی يونجاليقين پوزارديق قيشدا گليب دامنان داما يول وريب قاری توکوب رام باجانی دولديريب سووخ دوشوب کرسيلری قويديريب مزيکلری قوروتوتا قوشديريب کزه کندی دولی صنعتگريدی قديم کزج محبت معدنيدی اوغولاّردا آتالارين اليدی اوستا هيدان باشدا، پالتار بيچردی هرکيم گريب هرنه وريب، تيکردی اوس بالا جا گالوش باشماق ايشيدی آرواد اوشاقران، اوده ايش چکييدی اوسا کريم ستکلره باخاردی گوموش پولی بيلرزيگه، تاخاردی ولی عمی، ايشی يولا سالاندی تاپيشيراردی بالام گوزله آماندی تز يتيرون يوکلری گون باتاندی سياب عمی، اوستالار اوستاسيدی کيشی لرين باش سقلّين بيچيدی اوشاقلارين شنگولوسون کسيدی آغريانين ديشين دونوب چکيدی کاّدا ديوان، کتّده کاّتا اولاندا آراقاتيب، مذهب ايتين زاماندا سنی شيعه بير بيرينه باتاندا تز يتيشيب داوالاری پوزاردی هرکيم اوندا، اوزحقينه چاتاردی ايل بايرامی محبت لر جوشاردی چرشنبه ليک، مجمه لره دولاردی آداخلی لار آداخليسين تاپاردی اورک وريب، بويرک توتوب آلاردی جوانليقين باجاسيندان باخاردی جواننّارون يومورتا اوينياندا سناننّاری اوتوب-اوتوزدوراندا فقط اونون خاطره سی قاليبدی هرکس گديپ قراخلاری آشيبدی گوزل گويچک رسم لری آتيبدی اوشاقلارون قانّاداينب اوچوبلار اوچوب گديب غربت يره قونوبلار چاليشمالی روزگاردان اوتوبلار امّا حيف! سنّن اوزاخ قالوبلار نه بيليديم که روزگار چونجک آتام اوی خرابيه دونجگ يريوردوميز چراغلاری سونجک قسمت اولا، بيرده يادا اولميا کيملر گديب کيملر قاليب سولميا عمرلرين پيمانه سی دولميا داود اوغول، بيرده سنی يوخليا | 
