شعري از داود عليپناه آنايوردوم ((كزج)) آنايوردوم! گوزل كنديم! گلميشم سنه دييم قرخ بشي گچميشم او دنيانين دا لباسين بيچميشم گدنّزين يولارنيا دوشميشم قوردون سسي گجه كندّه دولاردي ايتلر هوروب قاچوب قوردو قوواردي خروسلاري سحر تزدن باننّاردي زندگانليق، رام باجادان ياغاردي نوخاجاران كزه كندين تاجيدي ورگان چولا اوردان باخيب ساييردي گدننّرين چرتكه سينه ساليردي داي بيلميرم كيملرگديب كيم قاليب كيم قورتولوب اولوم اليندن قاچيب قالاننّارين باش - گوزين آق توز باسيب كرنبنين آلتي گوزل باغيدي تاهار گوزه گوزل باغين آديدي باشدا باغين سو چشمه سي آخيدي آخيپ گديپ آقا شلارا چاتيدي كردكانين آغا جينا چيخارديق چوال چوال كردكانين چالارديق چوالاّري مال حيوانا چاتارديق يولا دوشوب اوه كيمين چاپارديق سحر تزدن درزباغا گدميشيك اوزومليكده دوشوب گوزدن ايتميشيك يتيشمين اوزوملرن درميشيك سوون چكيب ساتمانما گوندرميشيك اسكنه ده آرپا، بوغدا اكرديك اكيپ، بيچيب، چاتيب، كنده گلرديك جره قوشوب كولشلرين سچرديك دن دوشلرين ده كندّيه توكرديك رواضاندا گديب بوستان اكميشيك گديب اوردان قوون، قارپوز درميشيك گجه قاليب بوستانا سوورميشيك ميلچگ اليندن دريني سوكميشيك قزل اوزن چاييندادا چيميشيك نظامنان كوراشگه مينرديك او دونوچون كويشاننارا گدرديك مين مك اوسته اوزوميزي سويرديگ بير ساوا شيب بير باريشيب گلرديك غلامنان ايده ليكده اونيارديق ايده لري چاليب يره يقارديق مال حيواني يونجاليقا سالارديق مش تسلّي يونجاليقين پوزارديق قيشدا گليب دامنان داما يول وريب قاري توكوب رام باجاني دولديريب سووخ دوشوب كرسيلري قويديريب مزيكلري قوروتوتا قوشديريب كزه كندي دولي صنعتگريدي قديم كزج محبت معدنيدي اوغولاّردا آتالارين اليدي اوستا هيدان باشدا، پالتار بيچردي هركيم گريب هرنه وريب، تيكردي اوس بالا جا گالوش باشماق ايشيدي آرواد اوشاقران، اوده ايش چكييدي اوسا كريم ستكلره باخاردي گوموش پولي بيلرزيگه، تاخاردي ولي عمي، ايشي يولا سالاندي تاپيشيراردي بالام گوزله آماندي تز يتيرون يوكلري گون باتاندي سياب عمي، اوستالار اوستاسيدي كيشي لرين باش سقلّين بيچيدي اوشاقلارين شنگولوسون كسيدي آغريانين ديشين دونوب چكيدي كاّدا ديوان، كتّده كاّتا اولاندا آراقاتيب، مذهب ايتين زاماندا سني شيعه بير بيرينه باتاندا تز يتيشيب داوالاري پوزاردي هركيم اوندا، اوزحقينه چاتاردي ايل بايرامي محبت لر جوشاردي چرشنبه ليك، مجمه لره دولاردي آداخلي لار آداخليسين تاپاردي اورك وريب، بويرك توتوب آلاردي جوانليقين باجاسيندان باخاردي جواننّارون يومورتا اوينياندا سناننّاري اوتوب-اوتوزدوراندا فقط اونون خاطره سي قاليبدي هركس گديپ قراخلاري آشيبدي گوزل گويچك رسم لري آتيبدي اوشاقلارون قانّاداينب اوچوبلار اوچوب گديب غربت يره قونوبلار چاليشمالي روزگاردان اوتوبلار امّا حيف! سنّن اوزاخ قالوبلار نه بيليديم كه روزگار چونجك آتام اوي خرابيه دونجگ يريوردوميز چراغلاري سونجك قسمت اولا، بيرده يادا اولميا كيملر گديب كيملر قاليب سولميا عمرلرين پيمانه سي دولميا داود اوغول، بيرده سني يوخليا | 
